Parveen Shakir: Puuraa dukh aur aadhaa chaand

Parveen Shakir 

was a legendary female poet who started her professional career in her childhood. Her first book was “Khushbu”. Then she came up with other books named Sad-Barg, Khud’kalaami, and Inkar. Sadly, she died in a car accident while she was going to work in 1994.

We are always willing to add more and more poetry of her.

Puuraa dukh aur aadhaa chaand

puuraa dukh aur aadhaa chaand

hijr kii shab aur aisaa chaand

itane ghane baadal ke piichhe 

kitanaa tanhaa hogaa chaand

merii karavaT par jaag uThe 

niind kaa kitanaa kachchaa chaand

seharaa seharaa bhaTak rahaa hai 

apane ishq mein sachchaa chaand

raat ke shaayad ek baje hain 

sotaa hogaa meraa chaand

Parveen Shakir: Paa-ba-gil sab hain rihaaii kii kare tadabiir kaun

Parveen Shakir

was a legendary female poet who started her professional career in her childhood. Her first book was “Khushbu”. Then she came up with other books named Sad-Barg, Khud’kalaami, and Inkar. Sadly, she died in a car accident while she was going to work in 1994.

We are always willing to add more and more poetry of her.

paa-ba-gil sab hain rihaaii kii kare tadabiir kaun

paa-ba-gil sab hain rihaaii kii kare tadabiir kaun 

dast-bastaa shahar mein khole merii zanjiir kaun 

meraa sar haazir hai lekin meraa munsif dekh le 

kar rahaa hai mere fard-e-jurm ko tahariir kaun 

merii chaadar to chhinii thii shaam kii tanhaaii ne 

beridaaii ko merii phir de gayaa tashahiir kaun 

niind jab Khvaabon se pyaarii ho to aise ahad mein 

Khvaab dekhe kaun aur Khvaabon ko de taabiir kaun 

ret abhii pichhale makaanon kii na vaapas aaii thii 

phir lab-e-saahil gharaundaa kar gayaa taamir kaun 

saare rishte hijraton mein saath dete hain to phir 

shahar se jaate hue hotaa hai daamangiir kaun 

dushmanon ke saath mere dost bhii aazaad hain 

dekhanaa hai khenchataa hai mujh pe pahalaa tiir kaun 

Parveen Shakir: Mushkil hai ab shahar mein nikale koi ghar se

Parveen Shakir

was a legendary female poet who started her professional career in her childhood. Her first book was “Khushbu”. Then she came up with other books named Sad-Barg, Khud’kalaami, and Inkar. Sadly, she died in a car accident while she was going to work in 1994.

We are always willing to add more and more poetry of her.

mushkil hai ab shahar mein nikale koi ghar se

mushkil hai ab shahar mein nikale koi ghar se

dastaar pe baat aa gaii hai hotii huii sar se

barasaa bhii to kis dasht ke be-faiz badan par

ik umr mere khet the jis abr ko tarase

is baar jo indhan ke liye kaT ke giraa hai

chiDiyon ko baDaa pyaar thaa us buuDhe shajar se

mehanat merii aaNdhii se to manasuub nahiin thii

rahanaa thaa koi rabt shajar kaa bhii samar se

Khud apane se milane kaa to yaaraa na thaa mujh mein

main bhiiD mein gum ho gaii tanhaaii ke Dar se

benaam musaafat hii muqaddar hai to kyaa Gam

manzil kaa ta'yyun kabhii hotaa hai safar se

pattharaayaa hai dil yuuN ki koi ism paDhaa jaaye

ye shahar nikalataa nahiin jaaduu ke asar se

nikale hain to raste mein kahiin shaam bhii hogii

suuraj bhii magar aayegaa is raah-guzar se

Parveen Shakir: Manzar hai vahii thathak rahii hun

Parveen Shakir

was a legendary female poet who started her professional career in her childhood. Her first book was “Khushbu”. Then she came up with other books named Sad-Barg, Khud’kalaami, and Inkar. Sadly, she died in a car accident while she was going to work in 1994.

We are always willing to add more and more poetry of her.

manzar hai vahii thathak rahii hun

manzar hai vahii thathak rahii hun 

hairat se palak jhapak rahii hun 

ye tuu hai ke meraa vaham hai 

band aaNkhon se tujh ko tak rahii hun 

jaise ke kabhii na thaa taarruf 

yuuN milate hue jhijhak rahii hun 

pahachaan main terii roshanii hun 

aur terii palak palak rahii hun 

kyaa chain milaa hai sar jo us ke 

shaanon pe rakhe sisak rahii hun 

ik umr hu_ii hai Khud se laDate 

ander se tamaam thak rahii hun 

Parveen Shakir: Kuu-ba-kuu phail gaii baat shanaasaaii kii

Parveen Shakir 

was a legendary female poet who started her professional career in her childhood. Her first book was “Khushbu”. Then she came up with other books named Sad-Barg, Khud’kalaami, and Inkar. Sadly, she died in a car accident while she was going to work in 1994.

We are always willing to add more and more poetry of her.

kuu-ba-kuu phail gaii baat shanaasaaii kii

kuu-ba-kuu phail ga_ii baat shanaasaa_ii kii 

us ne Khushbuu kii tarah merii paziiraa_ii kii 

kaise kah duun ki mujhe chhod diyaa hai us ne 

baat to sach hai magar baat hai rusvaaii kii 

vo kahiin bhii gayaa lautaa to mere paas aayaa 

bas yahii baat hai achchhii mere harajaaii kii 

teraa pahaluu tere dil kii tarah aabaad rahe 

tujh pe guzare na qayaamat shab-e-tanhaaii kii 

us ne jalatii huii peshaanii pe jo haath rakhaa 

ruuh tak aa gaii taasiir masiihaaii kii 

Parveen Shakir: Kuchh to havaa bhii sard thii kuchh thaa teraa Khayaal bhii

Parveen Shakir 

was a legendary female poet who started her professional career in her childhood. Her first book was “Khushbu”. Then she came up with other books named Sad-Barg, Khud’kalaami, and Inkar. Sadly, she died in a car accident while she was going to work in 1994.

We are always willing to add more and more poetry of her.

kuchh to havaa bhii sard thii kuchh thaa teraa Khayaal bhii

kuchh to havaa bhii sard thii kuchh thaa teraa Khayaal bhii 

dil ko Khushii ke saath saath hotaa rahaa malaal bhii 

baat vo aadhii raat kii raat vo puure chaaNd kii 

chaaNd bhii ain chet kaa us pe teraa jamaal bhii 

sab se nazar bachaa ke vo mujh ko aise dekhate 

ek dafaa to ruk ga_ii gardish-e-maah-o-saal bhii 

dil to chamak sakegaa kyaa phir bhii taraash ke dekh lo 

shiishaagaraan-e-shahar ke haath kaa ye kamaal bhii 

us ko na paa sake the jab dil kaa ajiib haal thaa 

ab jo palaT ke dekhiye baat thii kuchh muhaal bhii 

merii talab thaa ek shaKhs vo jo nahiin milaa to phir 

haath duaa se yuuN giraa bhuul gayaa savaal bhii 

shaam kii naasamajh havaa puuchh rahii hai ik pataa 

mauj-e-havaa-e-kuu-e-yaar kuchh to meraa Khayaal bhii 

us ke hii baazuuon mein aur us ko hii sochate rahe 

jism kii Khvaahishon pe the ruuh ke aur jaal bhii 

Parveen Shakir: Kuchh faisalaa to ho ki kidhar jaanaa chaahiye

Parveen Shakir 

was a legendary female poet who started her professional career in her childhood. Her first book was “Khushbu”. Then she came up with other books named Sad-Barg, Khud’kalaami, and Inkar. Sadly, she died in a car accident while she was going to work in 1994.

We are always willing to add more and more poetry of her.

kuchh faisalaa to ho ki kidhar jaanaa chaahiye

kuchh faisalaa to ho ki kidhar jaanaa chaahiye

paanii ko ab to sar se guzar jaanaa chaahiye

har baar ediiyon pe giraa hai meraa lahuu

maqtal mein ab ba-tarz-e-digar jaanaa chaahiye

kyaa chal sakenge jin kaa faqat mas'laa ye hai

jaane se pahale raKht-e-safar jaanaa chaahiye

saaraa jvaar-bhaaTaa mere dil mein hai magar

ilzaam ye bhii chaaNd ke sar jaanaa chaahiye

jab bhii gaye azaab-e-dar-o-baam thaa vahii

aaKhir ko kitanii der se ghar jaanaa chaahiye

tohamat lagaa ke maaN pe jo dushman se daad le

aise suKhan_farosh ko mar jaanaa chaahiye